IN MY MIND

out of my hands

2009-10-11T21:35:00.000+03:00

it's an awful feeling
to set alone
and waiting these minutes to pass
it's long and endless

i remember my setting and waiting your appearance
like a child waiting Santa in Christmas
i remember being beside you
make me feel happiness
your smile brights my world
as a star lights night's darkness
your eyes wipe away my sadness
your touch heal my wounds
ya it cant be forgetfulness

i know this love is hopeless
but its out of my hands
i cant stop thinking
i cant stop this madness

remembering is easy
but forgetting will be the hardest

مش عارفة انام ليه ؟؟؟

2009-08-08T19:11:00.000+03:00

مش عايزة يومي ينتهي
مش عايزة بكرة يبتدي
مش عايزة احلامي تنبقي ذكري
اعيش عليها وانا لسة فاكرة
قد ايه انا كنت ساذجة
لما فكرت انك بتفكر فيا
وان المشاعر اللي جواك
مش لها دي ليا
واقول لنفسي استني شوية
يمكن بيدي لنفسه فرصة تانية
والنهاية هتكون طبيعية
انا له وهو ليا
زي القصص والافلام الروائية
والاقي الموضوع اخد سكة فرعية
بعيدة عن النهايات الخيالية
سكة في منتهي الواقعية
لو قولت لي انك مش حاسس بيا
وان مشاعرك كانت مجرد عطف وحنية
صحيح هو معقول في الدنيا ديا؟؟!!
امير يحب واحدة عادية؟؟!!
اصحي بقي من احلامك الوردية

انا خايفة بكرة يجي عليا
ويبقي دا اخر كلامك ليا

to the one who inspired me

2009-06-30T23:30:00.000+03:00

اتعرفوا علي بعض في الطريق
بشكل بيسموه عرف او تقليد
لحد ما وصل القطر في ميعاده بالتحديد
واتفقوا علي الكلام والمواعيد
وشافوا بعض مع بداية كل يوم جديد
وعملت من كل مناسبة عيد
علشان تسمع صوته
وتطمن عليه من بعيد لبعيد
والحب والمشاعر اتوجدوا اكيد
بس خسارة كانوا من طرف وحيد
اصله كلمها وحكي لها عن شغله الجديد
هو صحيح متعب وفيه شوية تعقيد
بس هو مبسوط بمركزه الشديد
وقالها انها وحشاه بشكل عجيب
وانه خلاص تعب من الف والتنطيط
وقرر يخطب من باب التجديد
وياتري مين صاحبة الحظ السعيد؟
العروسة قريبة ماما من بعيد
اللي كنت حكيت لكي عليها يوم العيد
اللي كنت رافضها وكنت عنيد؟!!
بس ازاي دا حصل من غير انذار ولا تمهيد؟
مش عارف اهو حصل ومن غير تخطيط
مش عارفة اقولك بس مبروك وبالتوفيق
لاء لازم اشوفك قبلها بالتأكيد
اه طبعا ومن غير تأكيد
حدد انت بس اليوم والمواعيد
خلاص هكلمك تاني
اصل قدامي عميل جديد
قفل الخط بس فتح في قلبها جرح المه شديد
وصحي جواها مشاعر افتكرت انها دفنته
في قبر بابه حديد
ازاي كانت كل دا مش فاهمة
انها في حياته ملهاش تحديد

فليكن ذلك مكانك

2009-02-27T17:25:00.003+03:00

دعني اتكور بين ضلوعك كعصفور مبتل
ينشد الدفئ بين كفيك في ليالي الشتاء

دعني اتكور بين ضلوعك كجنين تحمله امه
بعيدة عن العالم شاعرًا بالامان

دعني اتكور داخلك كلؤلؤة صغيرة
فتغلق عليها ابواب محارك لتخيفها عن العيون

فلتكن بوصلتي فلا اخطئ طريقي

ولتكن تميمتي فلا اعرف الحظ العاثر

ولتكن نجمة في سمايء فتنير الليالي الحالكة

ولتكن شمسي معلنا عن بدأ ميلادي

exams time

2009-01-13T12:26:00.002+03:00

pray for me plz

سامحوني

2008-11-21T15:38:00.002+03:00

معلش يا جماعة انا عارفة اني مقصرة جامد جدا في حق المدونة والمدونيين

لان انا بقالي فترة مش بكتب ولا حتي بدخل مدونات

بس انا فعلا مش تمام

بمر بحالة من اللامبالاه والقرف وحاجات غريبة كدة مش عارفة ليه

غير كدة كمان عندي امتحانات ميد تيرم

بجد يا جماعة معلش سامحوني

مش هقدر اسامح

2008-09-07T02:45:00.004+03:00

اهداء لمن لن يهمه الامر

مش عارفة الاحساس دا امتي هيروح
زي ما يكون جوايا مجروح
وبقول كل يوم دي جروح
ومسيرها معا الايام هتروح
يمكن بكرة يجي احلي
واللي عدي دا كان رحلة
عدت حلوة وعدت مرة
بس مش كل مرة سلمت الجرة
اعترف بيا ولو ل مرة
ليه انت مش شايف ولا مقدر
اني بحاول اصلح اللي اتكسر
والم اللي اتبعتر وارجع اللي اتغير
ليه كل اللي بتعمله كلام
وياريت نافع دا كلو اوهام
وانا خلاص زهقت من الكلام
كلو عتاب وملام
شايف الجزء الظلام
بطل تعاملني علي اني غبية
وشوف عيوبي وصلح فيا
مش بس تقعد تخنق فيا
انا شخصية وليا كياني
انا مش جاية من عالم تاني
ولا اقولك :نتعب نفسنا ليه
هو الكلام هيفيد بايه
دا اسمه قدر

اسفة اللي جوايا اتكسر
والايام سابت علامتها جوايا
قريب وعزيز عليا

لكن برضو اسفة مش هقدر اسامح

كل سنة واحنا طيبين 2

2008-08-31T22:20:00.004+03:00

كل سنة وانتوا طيبيين بمناسبة رمضان يارب يكون خير علي الكل

وكل سنة وانا طيبة علشان عيد ميلادي ال 19

يعني كل سنة وانا طيبة مرتين بمناسبة رمضان وعيد ميلادي
ومن هذا المنطلق اللي هو ان عيد ميلادي موافق اول يوم رمضان
احب اعلن لكم اننا ممكن ناخد بكرة اجازة رسمي

كلمات ل البرت اينشتاين

2008-08-08T01:19:00.002+03:00

الشيئان الذان ليس لهما حدود، الكون و غباء الإنسان، مع أني لست متأكدا بخصوص الكون.
أهم شيء أن لا تتوقف عن التساؤل
.
أجمل إحساس هو الغموض، إنه مصدر الفن والعلوم
.
كل ما هو عظيم وملهم صنعه إنسان عَمِل بحرية
.
إذا لم يوافق الواقعُ النظريةَ، غيِّر الواقع
.
الجنون هو أن تفعل الشيء مرةً بعد مرةٍ وتتوقع نتيجةً مختلفةً
.
الحقيقة هي ما يثبُت أمام إمتحان التجربة
.
يستطيع أي أحمقٍ جعل الأشياء تبدو أكبر وأعقد, لكنك تحتاج إلى عبقري شجاع لجعلها تبدو عكس ذلك
.
الخيال أهم من المعرفة
.
الحقيقة ليست سوى وهم، لكنه وهم ثابت
.
يبدأ الإنسان بالحياة، عندما يستطيع الحياة خارج نفسه
.
أنا لا أفكر بالمستقبل، إنه يأتي بسرعة
.
من لم يخطئ، لم يجرب شيئاً جديداً
.
العلم شيءٌ رائعٌ، إذا لم تكن تعتاش منه
.
سر الإبداع هو أن تعرف كيف تخفي مصادرك
.
العلم ليس سوى إعادة ترتيبٍ لتفكيرك اليومي
.
لا يمكننا حل مشكلةٍ باستخدام العقلية نفسها التي أنشأته
ا.
الثقافة هي ما يبقى بعد أن تنسى كل ما تعلمته في المدرسة
.
المعادلات أهم بالنسبة لي، السياسة للحاضر والمعادلة للأبدية
.
إذا كان أ= النجاح . فإن أ = ب +ج + ص. حيث ب=العمل. ج=اللعب. ص=إبقاء فمك مغلقاً
.
كلما اقتربت القوانين من الواقع أصبحت غير ثابتة، وكلما اقتربت من الثبات أصبحت غير واقعية
.
أنا لا أعرف السلاح الذي سيستخدمه الإنسان في الحرب العالمية الثالثة، لكني أعرف أنه سيستخدم العصا والحجر في الحرب العالمية الرابعة.
أثمن ما في العالم هو الحدس أو الفكرة اللامعة
.
الأمر الوحيد الذي أسمح له بالتدخل في علمي وأبحاثي هو معلوماتي وثقافتي الخاصة
.
العلم بدون دين أعرج، والدين بدون علم أعمى
.
أنا لست موهوب، أنا فضولي
.
بين الماضي والحاضر والمستقبل ليس هناك سوى وهم في تفكير العقل البشري..إذا لاحظتم أن - الأوقات الحزينة نشعر بها انها طويلة بينما الايام الفرحة تمر كالدقيقة- وهذه هي النسبية.
أفضل عادة سيئة صامتة عن فضيلة متكابرة
.
العقل البديهي هو هبة مقدسة، والعقل المعقول هو خادم مثمر..لقد اختلقنا مجتمع يحترم الخادم وينسى الهبة المقدسة
.
كل الديانات، الفنون والعلوم متفرعة على نفس الشجر
ة.
النسبية تعلمنا الرباط أو العلاقة بين الأوصاف المختلفة لشيء ما مع الحقيقة ذاتها
.
الجاذبية ليس لها علاقة بالوقوع في الحب.

وكانت الاجابة صمتا غير مفهوما

2008-06-25T00:47:00.004+03:00

اشعر اني اريد البقاء معك ولكني لا اعرف من انت

اكن لك المشاعر والاشواق ولكني لا اعرف هويتك

نظرت للارض وترابها وسألتها
الا تدرين من هو ؟
فكانت الاجابة صمتا غير مفهوم

نظرت للسماء ونجومها وسألتها
اتعرفين انه موجود؟
اريد اشارة اجيبيني
فكانت الاجابة صمتا غير مفهوم

نظرت للبحر وامواجه و سألته
تراه يبحث عني ؟؟
ام اني كصخورك المتبعثرة لا تلقي لها بالا
وكانت الاجابة صمتا غير مفهوم

ولم اجد طريقا
سوي اني طرقة باب العرافين والسحرة
لاعرف من انت
ولكن الاجابة لم تختلف كثيرا
بل كانت صمتا غير مفهوما

Just a dream

2008-04-25T22:23:00.005+03:00

After along tired day
i lie in my bed
tryin' to sleep
i closed ma eyes
callin' sleepin'
at once i had a vision
i saw you and i was cryin'
you put ma face between your hands
and looked in ma eyes deeply
you said :what's wrong??! is there somethin' deserve
your tears???!

I said: I feel i'm alost ship in the middle of a sea
you said: iam here to be your harbor

I said: i feel iam a lost tear
you said : I'll be your eyes and i wont let you down

I feel iam lost in a storm
I will be your shelter

I feel iam down
I will pick you up till the sky

I feel iam lost bird
For you i will be your worm nest

I feel iam alone
You are already alone in ma world

I cant find words
I wont bored you silence for ever

Then you held me between your arms
and i calmed down

when i waked i prayed for this dream to come true

الوضع عندنا

2008-04-06T22:29:00.005+03:00

دا الوضع عندنا في المحلة علشان الاضراب بتاع 6/4/2008

مع وجود اصابات وجرحي

ويقال ان في طفل توفي وهو عنده 9 سنين

في منطقة اسمها الشون وهي منطقة حيوية جدا

دا بجانب ان الامن المركزي مرشق في كل حتة

ومحدش عارف يروح في حتة واصحابي اللي راحوا الجامعة النهاردة الصبح مرجعوش

طارق وكريم وراحو باتوا عند واحد صاحبهم

ربنا يجعكوا بالسلامة بس تستاهلوا علشان مسمعتوش كلامي

غير طبعا في خساير كبيرة في المحلات حوالي 70%

ومن اشهرهم البغل والذي يعتبر هرم المحلة في الفول والطعمية

نقلا عن البي بي سي

شهدت مدينة المحلة الكبرى شمال القاهرة مصادمات عنيفة بين المتظاهرين وقوات الشرطة التي حاولت تفريق مظاهرة حاشدة في وسط المدينة بعد أن منعت عمال مصانع غزل النسيج من الاستجابة لدعوة الإضراب اليوم.

و أفاد عمرو عبد الحميد موفد بي بي سي الى مدينة المحلة ان قوات الأمن استخدمت القنابل المسيلة للدموع لتفريق المظاهرة وشنت حملة اعتقالات بعد ان دفعت بتعزيزات إضافية من القوات الخاصة بمكافحة الشغب.

ونقلت وكالة الأسوشييتد برس عن أحد العمال في المصنع قوله إن قوات الأمن اعتقلت نحو 150 عاملا قبل بدء الدوام النهاري.

وكان من المقرر أن يبدأ الإضراب في الساعة 7.30 صباحا بالتوقيت المحلي لكن العمال فوجئوا بوجود مئات من قوات الأمن التي جاءت في وقت مبكر وسيطرت على المصنع

بس المشكلة ان احنا مش عندنا ثقافة التظاهر السيلم

يعني ليه نكسر ونضرب ونموت

يعني ايه اللي هيحصل لو مشينا في المظاهرة سلمية بدون خساير مادية ولا بشرية

وفي الاخر ارحع واقول ثقافة شعب

وياريت بعد دا كلوا يجي بنتيجة

ااااااامين

_________________________________________________________________

تحديث

المحلة حاليا بقت عاملة زي الخرابة بالضبط
عواميد النور اتكسرت ومدرستين اتحرقوا واتسرق منهم اجهزة الكمبيوتر
كباين الميناتل اتقلعت من مكانها
المحلات اتكسرت والعربيات وحاولوا يفكوا فلانكات القطار
والامن المركزي واقف في كل مكان
غير طبعا الحلات المصابة والجرحي والضباط اللي حالتهم حرجة

يعني ليه كل دا يعني هو التخريب دا هو للي هيجيب حق ولا باطل
ايه ذنب الناس يتخرب بيوتها
ولا الناس اللي الامن اخدهم دول ولا المصابين

وللعلم اللي حصل دا من من عمال غزل المحلة
عمال غزل المحلة عملوا اضرابهم جوة المصانع ولا كسروا ولاحاجة

واللي كسروا وعملوا الحاجات دي شوية بلطاجية ومجرمين ومسجلين خطر واحداث
لقوا ان الموضوع فرصة انهم يفشوا غلهم ويولعوا الدنيا حريقة
وعلي فكرة الامن مش بدأ الضرب غير لما الناس بدأت باعمال الشغب

لكن برضو المشكلة فينا علشان احنا مش عندنا ثقافة التظاهرولا الاضراب
انا اعرف اننا لو عايزين نعمل اضراب يبقي كل واحد يقعد في بيته ولما المصالح تتعطلع
الرسالة هتوصل
وبعدين لو قمنا بمظاهرة تبقي من غير تكسير وتخريب ومن غير خساير في الارواح
لان الخساير دي هتعود علينا احنا في الاخر

وبجد انا مش عارفة كلامي دا هيوصل للناس دي ولا لاء

بس احب اول لهم حرام عليكم كفاية تخريب دا مش اسلوب

اريدك

2008-03-12T20:04:00.004+03:00

اريدك ذلك الرجل الذي تتحطم امواج غروره علي صخور شاطئ

اريدك ذلك الفارس الذي لطالما تحاكت به الاساطير

اريدك ذالك الامير المسحور الذي قبل اميرته فعاد قلبها ينبض بحبه

اريدك ذالك المجنون الذي اثر الموت مع من احب علي ان يعيش دونها

اريدك ذلك النبيل الذي حاولت الوف الفتيات الفوز بقلبه ولكنه اختارني انا

اريدك ذلك الناسك الذي يعترف بذنب ما يحمله لي من مشاعر منتظرا الرد بالثواب او العقاب

اريدك ذلك الشاعر الذي نسج قصائده وكنت انا وحي الهامه

اريدك ذلك المغوار الذي لا يخشي الصعاب ولكنه يخشي ان يري دموعي

اريدك ذلك الفنان الذي عبر عني في لوحة فلم يفهمها سواي

اريدك ذلك الطفل في براءته وذلك الشاب في عنفوانه وذلك الشيخ في حكمته في سبر اغواري

اريدك ذلك الصخر الرمادي القاسي الذي يخفي وراءه نبعا من الحنان

اريدك تلك القارة المجهولة التي لم تطأها قدم غيري

ادرك انك موجود
لذا فانا لن امل انتظارك

لم تكن الصعداء

2008-02-19T23:03:00.000+03:00

لا ادري ماذا حدث لي عندما سمعت هاتفي يدق معلنا عن اسمه ؛ للوهلة الاولي لم استوعب انه هو
فنظرت مرة اخري نعم انه هو
فارتسمت علي واجهي ابتسامة وسرعان ما تلاشت وحل مكانها مكانها عبوس غريب
انسيت ؟ ام اني اغفر واسامح
لم يكن النداء طويلا و مع انتهاء النداء انتهت سلسلة افكاري المسارعة في تبعثر
وانتظرت النداء الثاني معلنا عن بدا صراع اخر داخلي
لا اعرف كيف يبدأ وكيف انهيه
ولكن هاتفي خيب املي وكأنه يعرف ما كان يدور بداخلي
فقرر ان يريحني ولا ينادي
وحين ادركت ذلك دفنت وجهي في كتابي ودفنت معه صراعي وذكراياتي
واخذت انهم من صفحاته وكأني احاول الهروب
ولكن هاتفي قرر ان يتخل عن تلك الرحمة
فدق معلنا عن نداءه الثاني وعن الصراع الثاني داخلي
فاتسعت عيناي وتسارعت دقات قلبي تمنيت ان يتوقف
تري ماذا ساقول وماذا سيقول هو ؟!!!1
هل سيعتذر عن ذلك الالم الذي اعتصر به قلبي؟
ام سيتصرف وكأن شيئا لم يكن ؟
وكيف سأجيب انا عن حماقاته
وكيف ساخفي ما في داخلي من حنق وحقد وغضب وسخط
هل هل ساكون باردة لايبدو علي صوتي ما اخفيه داخلي
ام ستتغير نبره صوتي معلنه عن تلك الاهات والحسرات
عن بركان الغضب الكامن
وعندما رأيت انه لا مفر من الموجهة......
تبينت انه لم يكن هو
وعندها لا اعرف ما تنفست لكنها لم تكن
الصعداء

2008-02-14T19:17:00.004+03:00

يوم حب سعيد لكل انتين بيحبوا بعض
وهارد لك للي زي حالاتي
انا انهاردة كنت لابسة اسود وقعدت في الكلية عاملة زي اللي مستنية هدية تنزل لها من السما
او حد هيتصل بيا ويقولي انا معجب ولا انا بحبك ويقفل السكة وانا مش عارفة هو مين
ةلا حد يكون بيحبني جايب ليا هدية ويجي يحطها قدامي ويمشي وانا احاول اعرف مين دا ومش اعرفه
باين عليا اتجننت او بحلم
يلا بقي مش مشكلة استني الفلانتين الجاي
انتوا بقي عملتوا ايه؟؟!!! احكولي
بليييييييييييييييز

كلمات اعجبتني 2

2008-01-31T18:02:00.001+03:00

* كلمة قلتها : رصاصة اطلقتها ...كلمة لو تقولها :لؤلؤة احتفظت بها

* كل شئ نشتريه بالالم الا الالم نفسه: مجانا

* صدقني :اقسي من الرصاص ..خيانة الاصدقاء

* شخص واحد يستطيع ان يخدمك دائما ... انت

* صداقة اولها مصلحة اخرها ندم

* عندما نتكلم كلنا اصحاب مبادئ وعندما نعمل كلنا اصحاب مصالح

* صعب جدا ان تشتري الامل بالحرمان

*في النار تعرف قيمة الذهب .. وفي الازمات قيمة الرجال

* سفنة تتسع لمئات الناس عندما يكون البحر هادئا
ولشخص واحد عندما يكون ثائرا :الصداقة

ينقصه كل شئ من ينقصه العقل *

انيس منصور

الامتحانات بترن الجرس عااااااااااااا

2007-12-29T17:34:00.000+03:00

معلش يا جماعة هنقطع عن الكتابة فترة بسبب الامتحانات
وما يصاحبها من اعراض زي الضغط العصبي والتوتر وشدة الاعصاب والعصبية وعدم النوم

بجد والله انا حالتي بقت صعبة جدا ومش عارفة اعمل ايه
ادعولي يا جماعة

Just a concept

2007-12-10T19:36:00.000+03:00

ALONE

In every cold night
searching for warmth
between you hands
seeing you a candle
in ma darkness
and at once i realize that you are not even there

In every sunny day
looking to people faces
with a hope to find your face
although
iam sure that no one has your angelic face
that i had draw
and at once i realize that you are not even there

In every day i walk in the same places
where we were together
laughing, crying,
talking, walking
meeting and leaving
maybe i find you there remembering
or waiting for your coming

but i find my self alone
and my hope is gone
and at once i realize that you are not even there

its ages since
we had a little conversation
maybe you make it
to run from your compunction

but what iam realizing now
that you have your own life
and iam out of its limits

137 مدرسة زكية

2007-12-02T00:51:00.000+03:00

قررت الحكومة المصرية بناء 137 مدرسة زكية
خبر تداولته شوية من وسائل الاعلام
يعني ايه مدرسة زكية
يعني دا اعتراف صريح ان احنا مدارسنا مش زكية؟؟
وان نظام التعليم عندنا غبي؟؟؟
وبعدين المدرسة الزكية دي اكيد محتاجة طفل زكي يدخلها
والطفل دا محتاج بيئة زكية
يعني اب وام زكييين بس ازاي ومكنش في ايامهم مدارس زكية
وطبعا محتاج يمشي في شارع زكي وياكل اكل زكي
ويقرأ كتاب زكي
طب وبعدين
لما يدخل المدرسة الزكية
هيعمل بيها ايه لما يخرج منها ويدخل جامعة غبية
ويشتغل في مكان اكيد برضو غبي لان مش كتير دخلوا المدرسة الزكية
واكيد في احتمال كبير انه برتبط بواحد مش متعلمة تعليم زكي
وبعدين يعني ايه اصلا تعليم زكي بخلاف طبعا تعليمنا الغبي
وبعدين ياتري المدرسين االي هيشتغلوا في المدارس الزكية دي
تعليمهم برضو كان في المدارس الغبية؟؟
والزي المدرسي دا برضو هيكون زكي؟؟؟
يعني هيفصلوه فين؟؟؟

ويتري كتب المدرسة الزكية دي هيكون شكلها ايه
وبعدين من اللي هيدخلها
هل هم علية القوم؟ او عامة الشعب؟

يوووووه بقي والله انا زهقت
وبعدين كلها سنتين واتخرج من كلية غبية
انا مالي ومال المدارس

تحت مسمي الحب

2007-11-17T19:36:00.000+03:00

في يوم من الايام كانت البت صاحبتي واللي بشوفها كل يوم اوشن ايز اللي بموت فيها كاتبة موضوع حلو كدة زي كل مرة عن الحب وان الولاد مش بيحبوا زي البنات وحاجات غريبة كدة قبل عيد ميلادها المنكوب ما يهل علينا ولما شفتها سالتني فين تعليقك قولت لها تعليقي هيكون في البلوج بتاعي

الرد بتاعي يا ستي هو ان الحب الحقيقي موجود بس هو عامل زي العملة النادرة شوية يعني نادرا ما بيكون متوفر بس الاكيد ان في ولاد بيحبوا بجد وابخلاص شديد زي ما في برضو بنات بتحب وبتخلص
بس في حاجات غلط بتحصل تحت مسمي الحب فبتشوه صورة الحب واحيانا بتحصل من غير ما نحس
زي مثلا
** اتنين اعجبوا ببعض , والاعجاب طول شوية (ماهو طبعا لازم يطول لان الفترة دي بتكون كلها مفاجات) يمكن اعجاب من ناحية العقل او التفكير او اللبس او اي حاجة تانية
فواحد فيهم يفتكر انه بيحب التاني ويروح يصارحه بحبه
وبعد فترة مش قصيرة طبعا الاعجاب يتلاشي بالتعود يعني هيبقي حاجة عادية بين الاتنين
ويمكن يلاقو حاجة تانية في حد تاني يعجبوا بيها

** غير كدة اتنين كل يوم بيشوفوا بعض وبقعدوا مع بعض ويتكلموا مع بعض
وفي اي مصيبة دايما سوا وبيعملوا حساب بعض في كل حاجة
يقوم واحد فيهم يفكر انه بيحب التاني
مع ان دا مش حب
الموضوع بيبقي تعود مش اكتر
ويمكن لو بعدوا عن بعض فترة هيحسوا بفراغ شوية وبعد كدة الحياة هتستمر عادي
ويمكن كل واحد فيهم يلاقي حد تاني يقعد معاه كل يوم والخ الخ الخ

** في بقي حب وقتي
وهو مش بيقي حب ولا حاجة
انما كل الموضوع انك لما بتشوف الشخص اللي قدامك دا بتفتكر انك بتحبه اوي
لان انت بقالك فترة كبيرة مش شفته ويمكن يكون له في قلبك مكانة تانية
بس هي مش حب
لانه بعد ما بيمشي مش بتفتكره اوي غير كل ما بتشوفه
(انا اسفة يا تومي بس صدقني المقصود مش انت متزعلش مني) .

** وفي طبعا حب المراهقة
اللي هو فترة وبتعدي يمكن مشاعرنا فيها بتتغير تجاه الاخر
ويمكن نتعلق بيه اوي
بس في الاخر بيأخد وقته وبيعدي
ويمكن نحسبه علينا حب

يمكن في حاجات كتير بتحصل غير كدة وبرضو تحت مسمي الحب
علشان كدة ممكن تكون صورة الحب عليها شوية شخابيط

انما الحب الحقيقي
بيكون هو الحب اللي ولا حاجة من اللي دول
اكيد انا مش عارفة هو ايه بس اكيد احساسه هيختلف عن الحاجات دي كلها ويمكن
يخلينا نشوف حاجات مكناش بنشوفها
والللي مفيش عليه خلاف انه هيكون بالنسبة لنا دفعة لقدام
مش لورا ولا عمرنا هنخليه شماعة لنا لما نفشل في حاجة
يمكن حتي لو محصلش نصيب والموضوع مش انتهي النهاية الطبيعية
بس دايما بنفضل فاكرين اللحظات الحلوة اللي كانت ما بينا
يعني زي اغنية انغام ما بتقول اتمني له الخير
وحتي الاحساس اللي كان بينا عمره ما بيروح

بس هو اكيد موجود وما اظنش ان في بنات بتحب وولاد مش بتحب
اكيد كل واحد له واقعة
بس علشان معروف ان والولاد لعبيين شوية ف دا اللي بيخلينا نحس انهم
مش صادقين في مشاعرهم
بس اكيد بيجي يوم وتبقي مشاعرهم فيه صادقة
والله يا جماعة دا مش تحيز بس انا بتكلم من خلال الحاجات اللي بشوفها

وصحيح هو عملة نادرة بس اكيد موجود

كلمات اعجبتني

2007-10-21T13:42:00.000+03:00

* انا اعرفك من الاشياء التي تضحك عليها

*الذي يخاف الحب ارق من الذي يكرهه

* الغني هو الذي يستطيع ان يستغني

* الذي لا رذيلة له لا فضيله له

* المصيبة ان افكارنا تعترض طريقنا عندما نريد ان نوضحها

* العذاب : هو ان يكون كل ما اراه مظلما وكل ما افكر فيه وهما

* انت لا تستطيع ان تدرك سخافتك الا عندما يقلدك بعض الناس

* الصديق المزيف كالظل :يمشي ورائي عندما اكون في الشمس
ويختفي عندما يأتي الليل

* المال لم يخلق عظيما ولكن المال يشتري الكثير من العظماء

* جرح لا تري دمه ... اعمق جرح

* تجربة المتني ..... تجربة علمتني

*تعيس من لايجد نفسه بين الناس , تعيس من يجد نفسه وحيدا بين الناس

* الفجر بعد الليل والنجوم بعد السحاب

*الذي نتوقعه لا يجئ والذي يجئ لا نتوقعه

* امرأة جميلة بلا عقل ...... فيلا جميلة بلا اثاث

* عندما لا تعرف الميناء الذي تتجه اليه سفينة حياتك, فكل الرياح سواء

* عار عليك ان تخدعني مرة..... عار علي ان تخدعني مرتين

* الناس ثلاثة انواع : اناس تصنعهم الاحداث
اناس يصنعون الاحداث
اناس يتفرجون علي الاحداث

* عواطفك تجعلك تعيش... عقلك يجعلك تبقي

دي مش فجوة دي حفرة :-O

2007-10-19T13:07:00.000+03:00

امبارح كنت بتفرج كدة علي برنامج كان بيتكلم عن الفجوة بين الاجيال

بس بصراحة حسيت انها حفرة مش فجوة

هو فعلا في فجوة كبيرة اوي بين الاجيال بنسبة 75%

النسبة كبيرة مش صغيرة بس يتري الفجوة دي جت منين وليه الفجوة كبيرة اوي كدة

بصراحة انا شايفة ان الفجوة حصلت بسبب الاجيال اللي قبلنا ومش احنا السبب فيها ولا التكنولوجيا ولا المجتمع ولا الانترنت ولا أي حجة من الحجج دي

ليه لان مثلا لما تيجي تتكلم مع حد تقوله انت ليه مش قريب من اخواتك الصغيريين او انت ليه مش قريب من ولادك

يقولك اصلهم جيل الموبايل والانترنت طب

وبعيدن في حاجة تانية

ان احنا حتي في طريقة نقاشنا مع بعض مش بنحاول ننزل لبعض

يعني الكبير مصر علي رأيه ومش بيحاول بينزل للصغير والعكس صحيح

الصغير مصر علي رأيه وشايف ان اللي قدامه دا دقة قديمة ومش فاهمه

وان احنا كلنا اتربينا علي اساس ان راينا هو الصح واي رأي مخالف غلط

وان صاحب الرأي المخالف دا جاي من الكوكب الاخر

وفي ناس تانية تقولك اصل ايقاع الحياة بقي سريع ومفيش وقت اننا نقرب من بعض

بس انا حاسة ان المشكلة دي مش مشكلة ايقاع ولا نت ولا الكلام دا

وان دي شماعة بنعلق عليها كل حاجة

المشكلة ان احنا مش بنحاول اننا نقرب من بعض وبنخترع أي حاجة

يعني موضوع النت والموبايل والتليفزيون دا حجة ضعيفة اوي

لان الحاجات دي متوفرة لاي حد واي حد ممكن يستخدمها مش بتقف لسن معين

ومش ذنبا احنا انك مش بتحاول تستخدمها وانك اتأخرت عن اللي حواليك

اما عن طريقة الحوار والمناقشة دي مشكلتها اصلا جاية من التربية

علشان كدو لازم الجيل اللي اكبر مننا يحاول يسمع ويتكلم ويتناقش ويوسعوا دماغهم شوية

ويبقي في مرونة في التعامل

ويحاول انه يفهم ان في فرق توقيت بينا وبينهم وان الدنيا اتغير

يعني كل وقت وله ادان

اما عن جيلنا والاجيال اللي بعدنا فلازم برضو تتكلم وتحاول توصل وجهة نظرها

بكل الطرق والوسايل الممكنة

مش تكتفي بحجة ان دول دقة قديمة ومش فاهمينا

ونسمع لهم لان هما اكيد عندهم خبرة لايستهان بها

اما موضوع الايقاع السريع

فدا عذر اقبح من ذنب

لان مش معقول ايقاع الحياة دا مش فيه ولو ساعتين فاضيين نقعد فيهم مع بعض

واكيد ان الحاجات الغلط ممكن تتصلح

واللي مش ممكن يتصلح ممكن يتحسن

واللي مش ممكن يتحسن ممكن يتضبط

واكيد ربنا خلق لينا 2 ودان ولسان واحد

علشان نسمع لبعض اكتر ما نتكلم

ولا ايه رأيكم؟

ظواهر رمضانية

2007-09-20T13:15:00.000+03:00

صحيح الواحد بيشوف ظواهر طبيعية وطفرات بتحصل وبتبقي حاجة من الاتنين

يا اما الظاهرة دي بتقي لودقايق وبتختفي بعدها
او انها بتفضل علي طول

مال الجو قلب علي ارصاد جغرافية كدة

رمضان برضه بيحصل فيه ظواهر غريبة زي دي بس للاسف مش دايما سايبة اثر
يعني مثلا تلاقي البنات اللي مش محجبات اتحجبوا لحد المغرب يدن و في بنات تانية ممكن تلبس اسدال طول رمضان بعد كدة خلاص العيد فرحة بقي.
البنات اللي بيحطوا ميك اب تلاقيهم تخلو عن الروج مش اكتر
وتلاقي بعض الشباب اطلقوا اللحية طول رمضان
والمساجد اتملت بالناس والناس بتقف تصلي بره كمع انه في الايام العادية الناس اللي بيدخلو الجامع يعملو يجي 5 او 6 صفوف مش اكتر
ومفيش اغاني شغالة اللي شغال قران بس لحد المغرب ما يدن وبعد كدة تلاقي الاغاني دي اشتغلت وكأنك قاعد في فرح بنت العمدة
وكل ماتسأل حد يقولك اصل احنا كنا صايميين وكأن الصيام دا بيبقي الصبح بس

ولا بقي في ساعات الالتحام بالشعب في المواصلات وتلاقي سواق الاتوبيس ولا الميكروباص نازل شتيمة في مخاليق ربنا اللي ماشية وبعد كل شتيمة واختها تلاقيه يقول استغفر الله اللهم اني صائم
وتيجي تركب بعد الفطار مع نفس السواق وتلاقي لسانه مش بطل شتايم ولما حد يقوله ياحج ميصحش احنا في رمضان يقوله ما احنا خلاص فطرنا.
وكأن رمضان عبارة عن فترة زمنية تمتد من الفجر لحد المغرب بس
وان الصيام دا عبارة عن الامتناع عن الاكل والشرب بس
بجد يا جماعة الواحد لازم يراعي ربنا شوية والطفرات اللي بتحصل دي نتمني انها تدوم للاحسن

عيد ميلادي ال18

2007-08-31T22:41:00.000+03:00

باقي دقايق وهيبقي عندي 18 سنة
حاسة ان السنين عدت بسرعة اوي بس كمان انه في ناس كتير مش هتفتكره مع ان انا بحاول افتكر اعياد الميلاد
لان بحس انه حاجة مقدسة وبحس انها حاجة حلوة اوي انك تفتكر عيد ميلاد حد
ولو كان حد مش انت مش متوقع منه انه يفتكر
دي بتبقي حاجة حلوة اوي
مجرد ان حد يرفع السماعة عليك ويقولك كل سنة وانت طيب او يوصلك رسالة من حد تقولك انه فاكر

وبتبقي حاجة صعبة اوي ان اقرب الناس حواليك مش فاكرة .
وبعدين بجد ياجماعة حاولو تفتكروا اعياد الميلاد لانها بجد بتسيب اثر كويس في نفس اللي انت هتفكر عيد ميلاده وانك عزيز عليه علشان بعد كدة لما يفنكر عيد ميلادك تحس قد ايه انت غالي وعزيز عليه.
وبجد بتبقي حاجة حلوة اوي لو كان في هدية ولو حتي رمزية ومش لازم تيقي غالية
بجد ياريت كل واحد يفتكر اعياد ميلاد اصحابه وقرايبه لانها بتسيب اثر حلو اوي في النفس

فات 55 سنة ياااه عدو بسرعة اوي ولا حسينا

2007-07-23T17:30:00.000+03:00

صحيت النهاردة الصبح وخير اللهم اجعله خير لقيت ماما قاعدة في البيت
وياريتها قاعدة وبس دي قالبة الشقة كمان
قولت لها خير انت مش في الشغل النهاردة ليه؟؟؟ اترفدي؟؟؟؟

قالت لي لاء ياهبلة اترفدت ايه دا النهاردة اجازة رسمي

قولت لها خير هما قدموا 6 اكتوبر
قالت لاء النهاردة 23 يوليو وقولت بقي اما نقلب الشقة و .....(لا داعي للفاصيل)
طااااااااااااااخ

دا اثر الكلمة اللي ماما رزعتها في وشي

قولت بقي لما اشوف ايه حكاية اليوم الاجازة الرسمي اللي جه فوق دماغي دا

لقيت انه اليوم اللي قامت فيه ثورة 23 يوليو وببص لقيت التلفزيون بقي قاعد يتكلم عن امجاد الثورة
ومبادئ الثورة والنجازات اللي اتحققت في عهد الثورة وان لوللا الثورة مكنش حصل تغيير

قولت اما اشوف مبادئ الثورة دي تطلع ايه اللي من غيرها كنا هنحتاس ولقيت ان في حاجة اسمها مبادئ الثورة اللي علي اساسها الثورة قامت وفي تشريعات بعدها حصل زي قانون الاصلاح الزراعي والتعليم المجاني و الغاء الدستور
لقيت اول مبدأ القضاء علي الملكية
وببص لقيت ان احنا لسة في ملكية برضو
يعني ابن الدكتور بيقي دكتور
وابن اللواء بيبقي لواء
وابن الوزير بيبقي وزير
وابن الريس مش هيبقي يعني ابن البطة السودا

المبدأ الثاني القضاء علي الاقطاع
دا علي اساس انه دلوقتي مفيش اقطاع وان الدولة مش بتبيع اراضي لمستثمرين اجانب
ولا حاجة من دي ولا دفعت 300 مليون ولا حاجة علشان تاخد الارض دي تاني
ولا ولا ولا

المبدأ الثالث بناء حياة ديموقراطية سليمة
وطبعا كلنا عارفين ان الحق دا مكفول للجميع بدون اي ضغوط او مشاكل
او ناس بتروح معتقالات ولا مدونين ولا صحافيين بيختفوا
ولا بنسمع عن حوادث غامضة ولا اي حاجة من دي خالص

المبدأ الرابع بناء جيش وطني
زي الجيش بتاعنا بالظبط اللي هو نصه بياخد اعفاء والنص التاني وبيقص الحشيش
ومفيش اي اتفاقيات تنص علي عدم زيادة عدد الجيش او تطويره بالشكل المطلوب
ولا اي حاجة من دي خالص

المبدأ الخامس القضاء علي الاستعمار
يعني زي ما احنا دلوقتي مش مستعمرين ولا حاجة
ومفيش اراضي بتتباع لحساب ناس يهود تحت مسميات عربية
ولا في اتفاقية كويز
وطبعا مفيش معونات بتيجي تخلينا نقول حاضر ونعم من غير نقاش
لانه اضرب المربوط ( العراق) يخاف السايب
وهو هيفضل سايب طول عمره يعني بكرة يتربط

المبدأ السادس والاخير القضاء علي سيطرة رأس المال
متهيأل المبدأ دا اتلغي بقي
اصله كان ايام الاشتراكية
وياريته نفع ما علينا

غير كدة بقي لو اتكلمنا عن التشريعات اللي هي زي مثلا قانون الاصلاح الزراعي
هنلاقي ان مفيش اصلا اراضي زراعية نتكلم عليها فا مفيش لزمة

اما التعليم المجاني فحدث ولا حرج
وبعدين ماهو ايام الملك كان فيه تعليم برضو
اقصد يعني ان كان في ناس متعلمة
يعني مثلا جدي كان متعلم وبيعرف يقرأ ويكتب
والمفروض بقي لو النظام دا كان عبد الناصر اخده من انجلترا او امريكا
فاظن انه اخده برواز بس وياريته صورة
لانهم هناك لحد الثانوية العامة بيتعلموا مجانا وبيتطلعوا يشتغلوا
اما هنا ف والله اللي معاه ماجيستير زي اللي معهوش كلهم علي رصيف واحد
الا من رحم ربي طبعا

اما الغاء الدستور
ف دا بقي لسة موجود بس تحت مسمي شيك شوية
اللي هو تعديل الدستور

وبعدين قولت يعني هو ايه اللي كان هيحصل يعني لو ثورة 23 يوليو مكنتش قامت
عادي يعني ما احنا لسة زي ما احنا محصلش طفرة يعني
ومحتسناش ولا حاجة
وبعدين كان ممكن تقوم ثورة فبراير ولا سبتمبر
مش معضلة ولا حاجة
ولا ايه؟؟؟؟؟؟؟؟

لازم تحتكي بالواقع

2007-07-22T22:50:00.000+03:00

لازم تحتكي بالواقع
كلمة دايما بابا يقولها لي ومفهمتش معناها الا لما فعلا احتكيت بيه لكن للاسف لقيت انه مكنش احتكاك دا كان اصتدام

الناس هنا بالذات بقي في المصالح الحكومية صعب اوي التعامل معاهم لانهم في منتهي البلادة وقلة الذوق والاستهتار ولو الي قدامهم عاملوه بالذوق يسوقوا فيها ويركبوه

يعني انا افتكر مرة ايم الثانوية العامة يعني السنة اللي فاتت كدة رحت اسحب مظروف علشان اعمل اختبارات فنون تطبيقية وسألت الراجل المظروف دا علشان كلية فنون تطبيقية اللي حلوان قالي طبعا وطبعا بعد ما دفعت المعلوم وماليت البيانات وبدي للراجل المظروف لقيته بيقولي لاء انت كانتبة انك هتعملي اختبار عمارة ازاي هنا ياما موسيقي او او رسم اقولت له لاء انا عايزة ادخل كلية فنون تطبيقية

قالي لاء المظروف دا علشان تربية نوعية
وكان نفس الراجل ...... حاجة تغيظ

الموقف التاني
كنت عايزة احول من كلية لكلية وكان في رسوم بدفعها في الخزنة
وطبعا وقفت في طبور طويل عريض واول ما وصلت للشباك
الراجل قالي اصل الخزنة بتقفل الساعة    2 بصيت في الساعة وقولت له بس لسة الساعة
1:30
قالي بيقي ورق الوصلات خلص
وقعدت 3 ايام علي نفس الحال علشان ادفع 6 جنيه

وصراحة الراجل كفاءة بيعرف يخلص نفسه وبيخترع من الهوا وبيشغل دماغه

الموقف الثالث
رحت اعمل ورق البطاقة بتاعت الرقم القومي
قامت الست اللي هناك بتقولي عايزة اقرار ضامن من والدك او ولي امرك
قولت لها طيب
طبعا ربنا يخلي لنا عمو نجيب ساويرس صاحب شركة ام نبيل للمهبول الاولي في مصر
مش عارفة والله من غيره كنا عملنا ايه       ما علينا
اتصلت بيهم في البيت وقولت لماما ابعتب بابا انا في القسم ورحت قافلة السكة
طبعا علشان ابويا يجي كان لازم اعمل كدة دا ابويا من زمان وانا عارفاه
المهم السيد الوالد جه وجبنا اقرار الضامن وطلعنا للست تاني
قالت لي طيب انتي مصورتيش شهادة الميلاد وصورة البطاقة بتاعت والدك

قولت لها اصل حضرتك مش قولتي 
قالت لي اصلي مكنتش اعرف انك هترجعي تاني النهاردة
(عذر اقبح من ذنب) ..... دا اللي جيه في بالي ساعتها


غير طبعا لما تدخل عليهم في مصلحة التأمينات وتلاقيهم قاعدين زي مايكونوا
بيعملوا طبق اليوم
اللي معاها ملوخية واللي معاها كوسة واللي معاها بامية
وطبعا الرجالة مش هيقعدوا فاضيين يعني
امال المجلات والجرايد عملت الكلمات المتقاطعة لمين ؟؟
وكأن مفيش وراهم شغل والحياة بمبي

وطبعا العبارة الشهيرة اللي هي (فوت علينا بعد اسبوع) مازالت
موجودة                                                   

ولا وحدة التأمين الصحي    اللي فكرت اروحها مع واحدة جارتنا علشان تطعم ابنها
وتلاقي الوحدة اصلا شكلها يجيب المرض
والشمس حتي متعرفش لها طريق والممرضة مسكة مبرد وبتعمل ظوافرها
وريحة الطبيخ بقي ميتحكيش عليها في قلب الوحدة

انا عارفة ان في ناس عدت عليها مواقف اصعب من دي كتير بس المشكلة ان المحدش بيحاول يشوف شغله كويس بذمة وضمير الدنيا هتمشي كويس
بس ازاي لازم نكلكع ونعقد كل حاجة ونقرف اللي قدمنا
ايه اللي هيحصل يعني لو كل واحد اتعامل مع اللي ادامه بادب
لاء ازاي؟؟؟ امال هيطلعوا قرفهم في مين

وكدة يبقي احنا اكيد في مصر
وتحيا مصر يا عم

جواز عصري جدا

2007-06-11T20:53:00.000+03:00

اولا انا بعتذر عن الغياب الطويل دا بس اعذروني كانت فترة امتحانات عصيبة بس الحمد لله عدت علي خير
المهم كنت عايزة اتكلم عن موضوع مهم بجد وبقي متنتشر جدا
صحيح انو دلوقتي النت بقي حاجة مهمة اوي في حياتنا ومنقدرش نستغني عنه
سواء بقي كان الموضوع شغل ولا تضيع وقت
المهم الموضوع هو الجواز علي الانترنت اللي بقي منتشر اوي اكتر من الخيار في السلطة
يعني يجي الشاب اللي عامل فيها روش اللي مرمي علي النت 24 ساعة اصله مش لاقي حلجة يعملها
ويختار ايميل كدة يكون شكله بناتي شوية ودلوع و مايص حبتين
ويقوم يدخل عليه الدخلة التمام ويرسم نفسه كويس ويكلمها مرة واتنين وثلاثة
وطبعا بيحكيلها علي التجربة اللي كان عايشة وفرقعت في وشه (اتقلب يعني)
وعن الصراع المرير اللي هو عايش فيه ويحكيلها يعني قصة تقطع القلب من الحكايات اللي بتيجي في
خلف الاسوار ولا بين الناس
ويقوم البنت بكل حسن نيهتحاول تخفف عنه . ويبدأ الشاب الروش من هنا بقي يمسمرها ويقولها كلمتين
من الاسطوانة اللي كان سامعها من واحد كان يثبت واحدة برضو زي الحب الحب الشوق الشوق
بلوبيف بيلوبيف من طرف اخوكي الليمبي
وبدون تفصيل طويلة يقوم يقولها انا ارتحت لك انا حاسس اني مشدود ليكي الخ الخ
وبعدين يقولها دا انا بحبك وانا بدور علي عروسة وهي طبعا يا عيني تعيش بقي في الاحلام وتنتظر اليوم
اللي هيقولها فيه انه جاي يتقدم لها وبعدين طبعا يطلع حجج ويقولها الشغل ومش عارف ايه وهو اصلا
صايع كبير قد الدنيا
المهم يقولها بصي انا فعلا بحبك وعلشان تصدقي انا مستعد اكتب عليكي دلوقتي علي النت وبعدين ابقي اعرف اهلي
____________________________________________________
اموت واعرف بقي ايه يكتب عليها علي النت دي
يعني مثلا هيعملوا الفرح في انهي رووم
ولا منين هيجيبيوا مأذون نت؟
ولا هيبقوا يوزعوا ايه في الفرح برامج مظغوطة؟
والمعازيم هيكونوا بايميل دعوة ولا لاء
وطبعا عقد الجواز هيكون معمول منه كوبي عند الطرفين
طيب اللي الجهاز بتاعه يجيله فيرس يمسح اللي عليه
هيعمل ايه ساعتها؟؟؟
ولا لما يطلقوا بقي يبقوا يعملوا للجهاز فورمات؟؟؟

والله يا جماعة بجد الكلام دا مش يدخل دماغ ناس عاقلين ابدا
وبستغرب ان في ناس بتعمله يمكن بقي علشان قلة العرسان والا ايه

علي رأي واحد كان قالي( دا شوية شوية يبقي في جواز بلوتوث)

a concept

2007-04-12T08:24:00.000+03:00

ما أصعب أن تبكي بلا دموع

وما أصعـــــب أن تذهب بلا .. رجوع

وما اصعب أن تشعر .. بالضيق

وكأن المكان من حولك .. يضــــــيق

مااصعب ان تتكلم بلا صوت

ان تحيا كي تنتظر الموت

مااصعب ان تشــــعر بالســـــــأم

فترى كل من حولك عـدم

ويسودك احساس الندم

على إثــم لا تعرفه .... وذنب لم تقترفه

ما اصعب ان تشعربالحزن العميق

وكأنه كامـنٌ فى داخــلك ألـــم عريــــق

تستـــكمل وحــدك الطــريــق ..

بلا هـدفٍ ... بلا شــريكٍ ... بلا رفيــقٍ

وتصير انت و الحزن و الندم فريق

وتجد وجهك بين الدموع غريق

و يتحــول الأمــل البــاقى الى.... بريـق

مااصعب ان تعـــيش داخــل نفـــسك وحيـد

بلا صديــــقِ ... بلا رفيـــــقِ ... بلا حبيـــب

تشعر ان الفرح بعـيد..

تعانى من جــــرح .. لا يطــيب

جـــرح عمـيق.. جـــرح عنـيد..

جـــرح لا يـــداويــه طبيـــب..

سندريلا 2007

2007-03-06T01:27:00.000+03:00

I want to say that i did not write this topic i found it on a site but i made some changes

تدخل مرات الاب على سيندريلا في الدولاب الي بتنام فيه
مرات الاب : بت يا سندريلا اصحى يا بت كاك خابط فى نفوخك
سندريلا : اييييه يا مرات ابويا خمسه اخطف حلم سريع بس وحقوم
مرات الاب: قومى يا بت قامت قيامتـك
وصحيت سندريلا وهى بتأفأف وتفتــف
مرات الاب : يـاله قومى اكنسـى وامسحى على ما نيجى
سندريلا : وانتو رايحين فين ومتزوقين كده وكل واحده عامله نيو لوك روش
مرات الاب : رايحين حفله الامييير اللى حيختار واحده عشان يتجوزهـا
سندريلا : خدونى معاكو انا عاوزه اروح بليز بليييييييز
مرات الاب : ايه بليز دى كتك القرف وتروحى فين يا مو***ـه بلبسك المهرول ده انا عايزه ارجع الاقى البيت بيبرق من نظافته
ومشيت مرات الاب وبناتهاالخمسة وقعدت سندريلا تعيـط وتئوأء
وفجــأه طلعتلها الســاحره من انبوبة البوتاجاز (اصلها كانت منفسة)
الساحره : مالك يا سندريلا
سندريلا : كان نفسى اروح معـاهم الحفله بتاعة عمرو دياب بس لبسى مقطع و موبايلى مفهوش كريدت(رصيد) ولابسه شبشب بصباع
الساحره : ولا يهمك
وطلعت الساحرة من جيبها الموبايل وطلبت الاتليه بتاع مدام لولو يبعتو فستان وجزمه اخر موديـل
فرحت سندريلا ولبست وحطط الايشادو و الجليتور ورشت البرفان
بس الساحره قالتلها : قدامك للساعه 12 لازم ترجعى والوقت كالحبل ان لم تقطعة ربطك وكعبلك وقعد يخنق فيكى...........
انا صعيديه ودمى حامى ومعندش بنات تتأخر
و لو اتأخرتى حترجعى زى ما كنتى بلبسك القديم وسط الناس يامعفنة انتى بت بيئة صح
سندريلا : حاضر حاضر اما ساحره زبالة صحيح
خرجت سندريلا من البيت لقت الساحره مجهزة عربية هوندا ركبت سندريلا وراحت ع القصـر
ولفت جمــالها كل اللى موجودين و اول ما عين الامير وقعت عليها راح وطلب يرقص معاها و وافقــت
نظرات ... همسات .... صمــت ........ حــــب
ترررررررررن ترررررررررررن
سندريلا : ده الساحره بتدينى ميسد كول .. يا خبر الساعه 12
وقامت طالعه تجرى وقال ايه ... وهى بتجرى فرده الجزمه اتخلعت.. و خدها الامير المعجب و نده للوزير
الامير : يا وزيرهيثـــــم
الوزير : امرك مولاى
الامير : خد الجزمه دى اسحبلى صورتها اسكانر
و نزل صورتها فى كل الجرايد و ع الويب سايت بتاع قريتنـا وعلى قناة ميلودى افلام
واكتب الى صاحبه هذه الجزمه التوجهه للقصـر الملكــى فوراااااااااا
بنات كتير جدا راحو و يا سبحان الله الجزمه مجتش على مقاس حد فيهم (ال يعنى سندريلا مقاس رجليها رجل معزه )
وبعد كده شاهدت سندريلا الاعلان عن فرده الجزمه على ام بى سى تو
مع انه معملش اعلان خالص على القناة دى
وقامت بالتوجهه الى القصر وتزوجت هى والامير
وعاشو فى تبات ونبات و خلفو تؤام ملتصق وشويه بنات والحياة بقت بمبى بمبى......

How????!!!!!

2007-02-26T07:39:00.000+03:00

How would you feel?
when you are here
search here and there
no one is near
How would you feel?
when you are depress
and no body can guess
how much you sadden is
How would you feel?
when you want to talk
and can't find words to spoke
How would you feel ?
when your heart is pained
from a love you gained
you thought it would never end
How would you feel ?
when you are alone
your love is gone
left a big hole
take with him your soul
How would you feel?
when there is no light
no body beside
feeling fear inside
and can't find
your soul guide
How would you feel?
when you are hopeless
feeling saddens
nothing feeling you happiness
How would you feel?
when you need somebody near
calling him but can't hear
but he left me cry
and I'm asking why
he didn't try
to back and get my cheeks dry
after him there is no glad
i want him to be back
as any way that he want
i want ask him to be my owned

a concept

2007-02-23T01:52:00.001+03:00

I used to. i used to have dreams; many different happy dreams; and the lights were on.the joy were there and the pains were gone .the sky was dark blue and so shiny was the sun .....birds....butterflies....roses...were there ...i was having fun all the time..i used to have dreams.
But i used to have them disappeared.
i woke up ..look around every thing gone...............
The door is lock..the light is off..no shines...the sky is dark ...the bird fly away ..and no place for fun .
it's really unfair.......to have all your life....as a nightmare !!!!!
But i used to.

بمناسبة الفالنتين

2007-02-14T11:00:00.000+03:00

ان الذى يكتم حبه فى قلبه .. يموت مخنوق .

الخوف والحب لا يسيران معا.

ثلاثة لايمكن اخفاءه رجل يركب علي فيل وامرأة حامل ورجل يحب .

خير لنا ان نحب فنخفق من ان لا نحب ابدا.

علامة الحب :ان تقبل على حبيبك عند اقباله عليك وعند ادباره عنك.

إن المرأة لاتهزا من الحب ولا تسخر من الوفاء الا اذا خيب رجل آمالها.

المراءة التي تفقد حبيبها امراءة احبت والمراءة التي تحتفظ بحبيبها امراءة اتقنت فن الحب.

ابلغ الحديث:الصمت في الحب.

كثيراً ما تنتهي الصداقة بالحب ولكن لا يمكن للحب أن ينتهي بصداقة.

إذا كان الحب ضعفاً فهو ضعف القلوب العظيمة.

وراء كل إمرأة عظيمة حب فاشل.

القلب الذي لا يؤمن بالحب قلب بارد.

أعقل ما في الحب جنونه.

إذا صح ان الحب يموت فلا حاجة لنا في البقاء.

الحب كالموت يغير كل شئ.

صنعت الدنيا للذين يحبون , أما اللذين لا يحبون وإن أبصرهم الناس فهم ميتون ميتون.

ضعف المراءة في الحب سر قوة الرجل.

لو احب الشيطان لتلاشى الشر نفسه.

الحب الذي ينتهي ليس حبا حقيقيا

To be & not to be

2007-02-13T23:40:00.001+03:00

To be & not to be
(with my apology to w.shaksber)
I know its strange what iam going to write ,
but that is some thing i feel and it hurts me .
its hard to be cheated in people one day you thought they are your best friends and u cannot live without them and at once i discover the reverse.
they treat me if i were invisible for them.despite my love for them
i told them every thing about me and shared my happiness and sadden with them.
and after that they keep me away from their live , ignore me and don't tell me any thing .
i don't know why i shocked usually in people; the close ones specially .
and its hard to feel you are rejected and alone.
no body need you , no body hear you, listen to you, feel with your pain, talk to you when he need some body to mitigate his pain , no body remember you or ask about you.
although i remember them many times .
its horrible when you need some one to be beside you and you can't find him.
its horrible when your friends leave you with out any explanation or a clear reason.
when some one say some thing about you and its not the truth and tour friend know that but say nothing and prefer silence .
it hard for me to be with out friends ;
but sure one day I WILL ADAPT WITH THIS SITUATION .

money

2007-02-06T03:00:00.000+03:00

Do you think that money is the answer to all ur problems?!
think again............

it can buy ahouse,
but not ahome .

it can buy a bed,
but not a sleep .

it can buy aclock ,
but not time .

it can buy a book ,
but not knowledge .

it can buy aposition ,
but not recpect .

it can buy medicine ,
but not health .

it can buy blood ,
but not life .

finally;
it can buy a candile dinner but not ( love) .

if one day

2007-02-05T17:26:00.000+03:00

If one day you feel like crying..................
call me , i don't promise that i will make you laugh
but i can cry with you.

If one day you want to runaway , dont be afraid to call me,
I don't promise to ask you to stop .
but i can run with you.

If one day you don't want to listen to any one ;
call me
I promise to be very quiet.

But if one day you call me and there were no answer
come fast to me ...................
perhaps I NEED YOU.

I will make u comfort any way.